主頁強積金知識強積金儲蓄強積金表現保留帳戶演講者影片關於積金保健坊聯絡我們

保留帳戶怎處理?

1. 最近我轉咗工,我應該點樣處理我啲累算權益呢?
  答: 你可以選擇以下其中一個方法來處理原有強積金帳戶內嘅累算權益:
  • 轉移到新僱主嘅強積金計劃個供款帳戶;
  • 轉移到另一個你自己選擇嘅強積金計劃保留帳戶內;
  • 保留响現有計劃,以保留帳戶形式繼續投資。
2. 如果我想將累算權益轉移到另一個計劃,要點做呢?
  答: 你要填妥「計劃成員資金轉移表格」(表格MPF(S)-P(M)),之後交俾新計劃嘅受託人或者新僱主處理。有關表格可以向受託人索取,或响積金局網頁內下載。

3. 轉移累算權益時受託人會唔會收取任何費用?
  答: 轉移累算權益會涉及基金單位嘅買賣,所以或者會有買賣差價。除此之外,受託人一般係唔可以係轉移累算權益時收取費用及/或徵收罰款。

4. 我點樣先知道自己啲累算權益已經轉移妥當呢?
  答: 原有計劃受託人必須確保响收到你嘅轉移累算權益要求後30日內,將累算權益妥為轉移,而且向你發出轉移結算書,列明轉移嘅詳情。而新計劃嘅受託人亦會向你發出確認書,列明從原有計劃受託人收到款額。請注意,即使你將權益轉移到原有計劃嘅保留帳戶,在轉移後,你亦必須核對受託人發出有關文件嘅內容。

5. 假如我有多個強積金保留帳戶,應唔應該整合為一?
  答: 如果你有多個保留帳戶,你可以考慮整合為一,方便日後管理。响整合保留帳戶或轉移權益前,你須考慮唔同嘅因素,例如投資市況,因為轉移權益會涉及基金買賣,可能因市況或時差而出現損失。另外,你亦應充分了解同埋考慮所選擇嘅受託人、強積金計劃同基金投資組合係唔係切合你嘅需要。

6. 萬一我唔記得自己有幾多個保留帳戶咁點算?可以點做?
  答: 你可以親自去積金局辦事處,或於積金局網頁下載查詢表格,查下自己嘅保留帳戶數目。積金局設有成員保留帳戶嘅中央資料庫,有晒每個成員名下嘅保留帳戶數目同埋有關強積金計劃嘅資料,但係呢啲資料並唔包括帳戶號碼、所投資嘅基金同埋帳戶結餘等詳情。

版權所有。卓譽金融服務有限公司 2009。不得轉載。 重要資料/條款細則
此網站配合 Internet Explorer 6 或以上之瀏覽器使用效果最佳。